Республикамыздың 20 жылдық        мерейтойы қарсаңында «Төл теңгеміздің шығу тарихы және даму жолдары» тақырыбында ғылыми-танымдық дөңгелек үстел     Мақсаты мен міндеті: Студент жастарға саяси егемендікпен қатар экономикалық тәуелсіздіктің мән-мазмұнын ұлттық теңге арқылы қалыптастыру    Өткізілетін уақыты:07.12.2011ж. сағ. 15.00    Өтетін орны: Алтынсарин к-сі 4, №312 аудитория.    Өту түрі: Дөңгелек үстел   Жауапты: Экономика факультеті    Ұйымдастырушы: «Қаржы және банк ісі» кафедрасы.   Қатысушылар: ҚР ҰБ АФ өкілі, Ақтөбе қаласындағы коммерциялық банк филиалдарының жетекші мамандары, экономика факультеті кафедраларының оқытушылары және факультет студенттері.    Ұзақтығы:1 сағат. Қазақстан Тәуелсіздігінің 20 жылдығы қарсаңында Қазақстанның ұлттық валютасы – теңгенің айналымға шыққанына да 18 жыл толып отыр.    Теңгенің тарихы Елбасымыз Н.Ә.Назарбаевтың 1993 жылдың 12 қарашасындағы «Қазақстан Республикасының ұлттық валютасын енгізу туралы» жарлығынан бастау алды. Ұлттық валютаны енгізу – әр елдің тарихында бір-ақ рет орын алады. Қазақстан да осындай есте қаларлық күнді бұдан 1993 жылдың 15 қарашасында бастан өткерген болатын. Міне содан бері ұлттық валютамыздың жаңа төлем бірлігі әрі есеп айырысу құралы ретінде айналымда жүргеніне 18 жыл толды.    Теңгенің айналымға енуімен тәуелсіз Қазақстанның экономикалық дербестілігі және қаржы-несие саясатының қалыптасу кезеңі де бастау алады.    Ұлттық валютаны енгізудегі негізгі мақсат – елдің тәуелсіз саясатын жүргізуге мүмкіндік беретін тұрақты экономиканы құру және оның қарқынды дамуына ақша айналымы, қаржы-несие құралдары арқылы ықпал жасау.    Сондықтан Қазақстан Тәуелсіздігінің 20 жылдық қарсаңында теңгенің 18-ге, яғни кәмелеттік жасқа толуын атап өтудің маңызы ерекше, себебістудент жастар саяси егемендікпен қатар экономикалық тәуелсіздіктің мән-мазмұнын, өздерінің патриоттық сезімдерін ұлттық теңге арқылы да қалыптастырады.	№ Шаралар мазмұны Уақыты Жауапты 1 Семинардың салтанатты ашылуы: а) алғы құттықтау сөз; б)қонақтармен таныстыру. 5 мин факультет деканы, э.ғ.к.,профессор Жүнісов Б.А және э.ғ.к.,аға.оқытушы Мүсіров Ғ 2 Баяндама-презентация: «Теңгенің шығу тарихы және даму жолдары» тақырыбында 5-7 мин «Қаржы» мамандығының 2курс студенті Медеуова Гүлшара 3 Баяндама тақырыбына қатысты сұрақтар және банк мамандарының әртүрлі ой-пікірлері, естеліктері 10-15 мин «дөңгелек стол» қатынасушылары 4 Концерттік бағдарлама 5 мин   5 Баяндама-презентация: «ҚР Ұлттық банктің 2010-2013жж ақша-кредит саясатының негізгі бағыттары» 5-7 мин «Қаржы» мамандығының 3 курс студенті Естанова Раушан 6 Баяндама тақырыбы және теңгенің болашағына байланысты мәселелерді ортаға салу 5-10 мин «дөңгелек үстел» қатынасушылары 7 Қорытынды: б)концерттік бағдарлама. 5-7 мин «Қаржы және банк ісі» кафедрасының меңгерушісі, э.ғ.к., доцент Тасқарина Б.М.

Дөңгелек үстелге ұлттық банк және коммерциялық банктердің Ақтөбе қаласындағы филиалдарында қызмет жасайтын бірқатар мамандары, университет, экономика факультетінің оқытушы-профессорлары мен студенттері қатысты. Дөңгелек үстел тақырыбына байланысты екі ғылыми-танымдық баяндама жасалды. «Қаржы» мамандығының 2 курс студенті Медеуова Гүлшара теңге тарихын және оның айналымдағы даму жолдарын сипаттаса, осы мамандықтың 3 курс студенті Естанова Раушан ҚР Ұлттық банк тарапынан жүргізілетін ақша-кредит саясатының қазіргі ерекшеліктері мен болашақ даму бағыттарына шолу жасады. Теңгенің айналымға енуімен тәуелсіз Қазақстанның экономикалық дербестілігі және қаржы-несие саясатының қалыптасу кезеңі де бастау алады. Ұлттық валютаны енгізудегі негізгі мақсат – елдің тәуелсіз саясатын жүргізуге мүмкіндік беретін тұрақты экономиканы құру және оның қарқынды дамуына ақша айналымы, қаржы-несие құралдары арқылы ықпал жасау еді. Осының көоінісі ретінде, бүгінгі күні теңге – ТМД кеңістігіндегі тұрақты валюталардың бірі болып табылады. Осы мәселелер төңірегінде қызықты сұрақтар мен пікір сайысы орын алды. Банк мамандары теңгенің шығу тарихы мен себептері туралы өз ой-пікірлерін ортаға салса, студент жастар Ресей мемлекетімен арадағы қалыптасып отырған кедендік одақ, 2012 жылдан басталатын экономикалық одақ және болашақтағы валюталық одақ мәселелері төңірегінде әрі соның нәтижесінде орын алатын теңгенің болашағына қатысты толғандырып жүрген сұрақтарына тартымды жауаптар алды. Қорытындысында, бүгінгі ұйымдастырылып отырған Қазақстан Тәуелсіздігінің 20 жылдық қарсаңында теңгенің 18-ге, яғни кәмелеттік жасқа толуын атап өту шарасының маңызы ерекше сипат алады, себебі теңге де ұлттық ресми рәміздеріміздің бірі, олай болса,студент жастар саяси егемендікпен қатар экономикалық тәуелсіздіктің мән-мазмұнын, өздерінің патриоттық сезімдерін ұлттық теңге арқылы да қалыптастыра алады.