«ДИПЛОММЕН АУЫЛҒА БАРУҒА ДАЙЫНСЫЗ БА?»

Желтоқсанның 9-ы күні Физика-математика факультетінде «Тәуелсiздiктiң жиырма шыңы» 20 жұлдызды күн күн тізбесіне сәйкес      «Ауыл» күніне орай, тәуелсіздік жылдарындағы ауылдың қарқынды дамуына негізделгенигі бастамалардың бірі «Дипломмен ауылға жобасы» төңірегінде университетті бітіріп, маман иесі атануына азғантай уақыт қалып, терең ойлар мазалап жүрген 4-ші курс студенттеріне арналған «Дипломмен ауылға баруға дайынсыз ба?» атты кездесу өтті.

Кездесу ҚР Әнұранымен басталды. Кездесуде Ақтөбе облысы Алға аудандық білім бөлімінің бас маманы Наурызов Талғат Қуандықұлы «Дипломмен ауылға» бағдарламасы туралы 4 курс студенттеріне толыққанды мәлімет берді. Студенттер барлық сұрақтарына нәтижелі жауап алды.

Патриоттық әндер шырқалды.

Кездесудің соңында «Дипломмен ауылға баруға дайынсыз ба?» деген сұраққа сауалнама алынды. Сауалнама нәтижесі бойынша қатысқан 4 курс студенттерінің 29,3% - дайынмын, 29,3% - дайын емеспін, 41,4 – ойланамын деген жауап берді. Кездесу өз мақсатына жетті.